Charla de divulgación medioambiental e prevención de incendios forestais

Nesta ocasión desprazáronse ata o colexio a Brigada de Bombeiros Forestais de Galicia.

Na visita os axentes ambientais deron unha charla ás crianzas de quinto de primaria, na que ensinaron a realizar unha identificación de especies animais como o urogalo, lobo, perdices, corzo, xabaril, raposo… e tamén especies vexetais autóctonas como o carballo, castiñeiro, piñeiro silvestre, bidueiro, acivro…

Nela puideron aprender como o monte é un ecosistema e unha fonte de riqueza que nos dá froitos, cogomelos, mel e madeira, e moi importante, ensináronnos a coidar o monte realizando pequenas accións como non tirar lixo, a necesidade da reforestación e que debemos evitar para non causar incendios.

Tamén ensinaron sobre etnografía, mostraron un cortín (albariza) para protexer os panais fronte ao oso e explicaron as causas de destrución do monte; o principal problema seguen sendo os incendios pero ademais tamén o furtivismo e o lixo.

Comentaron que a principal causa dos incendios son fogueiras descontroladas ou colillas, así como o que debemos facer se vemos un incendio: chamar ao 112, ao 085 ou avisar a un adulto que teñamos preto.

A actividade concluíu cunhas actividades interactivas como o uso dunha carroceta de bombeiros forestais para que puidesen realizar un simulacro de como se apaga un incendio forestal, tamén a plantación de 3 árbores autóctonas (acivro, loureiro e bidueiro) e a instalación de 2 casetas para paxaros.

Como recordo da actividade, os bombeiros forestais de Galicia agasallaron a cada crianza cun xogo de mesa educativo sobre a prevención de incendios.